Download Liturgi PEKAN DOA 2022 -wari VI

KEBAKTIN PEKAN DOA GBKP
( I Perpulungen )
WARI VI, JUMAT 03 JUNI 2022
I. PERSIKAPEN
• Nikapken kerina perlengkapen guna kebaktin dingen ngaturken
simuat bagin i bas kebaktin
• Adi Pekan Doa enda ilakoken i rumahta sekalak-sekalak, adi la serayan
Tuhan (Pdt/Pt/Dk) si mbabaisa maka votum, salam ras pemasumasun la padah sibelasken.
• Adi enggo banci ilakoken i bas sektor ntah jabu kepkepen maka enggo
banci sidalanken bagi semalna saja si ikuti panduan adaptasi
kesemalen baru.
• Adi via daring (zoom, google meet rsd) maka banci si aturken rikutken
kecibalna gelah erdalan kerina alu mehuli.
• Si usahaken maka anak-anakta pe ikut muat bagin i bas kebaktin enda.
• Perdalanen Kebaktin i bas kundul ntah tedis ilakoken sue ras situasi.
II. KEBAKTIN
1. Kata penaruh kubas kebaktin (ibabai serayan Tuhan/ runggun
gereja)
Kekelengen ni Tuhan wari enda kita bengket ku bas pekan doa wari si
peenemken. Wari enda kita ibabai guna ngantusi sada bagin si penting
i bas kiniteken kalak Kristen, e me ertoto bage pe puasa. Erkiteken i
bas wari pemena seh ku bas wari pelimaken enggo melala kita
ngerana kerna ertoto, maka i bas wari enda kita lebih fokus ku bas
puasa.
E maka si pesikap dage pusuh ras perukurenta ersembah man Tuhan
arah puji-pujin ras pertotonta. Mari dage sipindo Kesah Tuhan
erkuasa, seh maka tangkas sura-sura Dibata man banta secara pribadi
bage pe ku tengah-tengah jabunta. Guna menaken kebaktinta, mari si
penangkih pertotonta man Dibata
Ertoto
Rende KEE No. 192 : 1 (Perp. Tedis/Ngendesken perlengkapen
kebaktin)
PEKAN DOA GBKP TAHUN 2022
1
Meriah kita ras k’rina, si puji Dibatanta
Perban lias ateNa e, isehkenNa man banta pe
Nggo pulung kita k’rina pe
I bas ingan enda, i bas ingan enda
2. Votum – Salam
L I bas gelar Dibata Bapa, AnakNa Jesus Kristus ras Kesah Si Badia.
Penampat man bandu rehna i bas Jahwe nari, sinepa langit ras doni,
si ngkawali perberkat ras permulihndu genduari nari seh rasa
lalap. Amin
P A…min, a…min, a…min (iendeken)
3. Berita kerna perbahanen ras Sura-sura Dibata (Invocatio)
Nina Tuhan, “Genduari jeralah kam, dahilah Aku alu erpuasa dingen
tangis. Janah erceda ate (Joel 2 : 12).
Erpalasken kata Dibata enda, si puji IA, alu rende : KEE No. 345:1
Nggo kami sikap, ndengkeh kataNdu, Tuhan ng’ranalah
Nggo kami sikap, megi kataNdu, Tuhan ng’ranalah
Sehken kataNdu man kami min, arah kemahenNdu
Sehken pedahNdu man kami kin, arah kemahenNdu
----Perp. Kundul---4. Pujin Man Dibata (Erpalasken Masmur 141)
L
Erlebuh aku man Tuhan, man baNa aku mindo penampat.
Serayan Man baNa kutungkasken kerina ukurku picet.
Bapa
Tupung kutulihken sekelewetku, la lit ise pe si banci nampati.
Nande
O Tuhan, tantangiNdu aku i bas kesusahenku nari.
Anak
Emaka gundari kupuji Kam erkiteken kiniuliNdu.
L
Mari sipuji Tuhan arah KEE No 310: 1 “Pujilah Min Dibata”
Reff : Pujilah min Dibata, puji gelarNa Si Badia
I bas Kristus nggo si idah, Dibata jine si perkuah
Langit ras doni rendelah, mungkuk erjimpuh nembahlah
Pasu-pasuNa kap mbelin, keleng ateNa la erkerin Reff : …
5. Pengakun Dosa (erpalasken Job 40: 3-4)
L
Tuhan, labo lit kai kal pe erga kami.
P
Kai nari kin jabab kami man baNdu?
L
Madin sompel kami saja babah kami.
P
Sabab nggo mbuesa situhuna kami ngerana.
PEKAN DOA GBKP TAHUN 2022
2
L
Mari ras kita rende ngakuken kelepakenta i adep-adepen Tuhan,
KEE No. 125
Kasa si kubahan e, la erbahan senang pe
Ceda kal ateku pe, naktak pe iluhku e
K’rina si kugengken e, Jesus penampatku nge
6. Pengalemi Dosa
L
Dibatanta e me kap Dibata si perkuah ras dem keleng ate, labo
itaktakiNa kerina salah lepakta. Emaka mari si begiken kata
Dibata kerna pengalemi Dosa: “O Israel, anak kesayangenKu, buah
barangKu si keleng ateKu. Teptep Kusingetken gelarndu, Kuinget
kam i bas keleng ate; i bas kam lalap ukurKu, mekuah kal ateKu
(Jer. 31: 20).”
Rende KEE No 425: 1
Adi ras Jesus malem naring pusuhta
iperdiatekenNa me kita ban kelengNa
Amin gia jumpa erbage percuban
la kap itadingkenNa kita isampatiNa
Reff : Malem me ate, je kita pe dat dame, ras keriahen ukur
Bene me kebiaren, tading me keguluten
Mberat jadi menahang, pusuh pe jadi salang
7. Renungen (Ibenai ras itutup alu pertoton)
Ngoge Matius 6 : 16-18 (Responsoria)
L
Adi erpuasa kam ola peberjut-berjutndu ayondu bagi kalak
pekulah-kulah.
Bapa Kalak pekulah-kulah ipeberjut-berjutna ayona bagi kalak
melihe gelah ieteh kalak ia erpuasa.
Nande Ia lanai ngaloken upah i bas Dibata nari.
Anak Tapi adi erpuasa kam erduhaplah, jenari suri bukndu.
L
Gelah la ieteh kalak kam erpuasa.
Bapa Tapi Bapandu si ngidah perbahanenndu e.
Nande IA nge si mereken upahndu.
L
Ketuahen kalak si megiken kata Dibata dingen si makekenca i
bas geluhna si teptep wari. Haleluya!
P
Haleluya…Haleluya…Haleluya ( iendeken)
ERTOTO RAS PUASA
PEKAN DOA GBKP TAHUN 2022
3
8. Pengakun Kiniteken
(Perp. Tedis)
9. Persembahen
(Perp. Kundul)
L Kata Dibata kerna persembahen “Lit kalak melumbar mere tapi
tambah-tambah kebayakenna, lit kalak degil tapi tambah-tambah
kemusilenna. Melumbarlah mere maka kam reh bayakna,
sampatilah kalak maka kam pe isampati” (Kua. 11:24-25).
Tupung si endesken persembahenta, rende kita muji Tuhan arah
KEE No. 451:1Malerlah pasu-pasuNdu, bagi ni padankenNdu
Gegeh ras ukur si paguh tetap iberekenNdu
Reff : Pasu-pasuNdu em ulu gegeh kami
Enggo kap maler me tuhu, si ndemi geluh kami
10. Pertoton persembahen ras sapaat
• Persembahen (ibabai sekalak anak)
• Jemaat si terpapar omicron (ibabai sekalak Moria)
• Pendeta, pertua-diaken, emeritus ras guru sekolah minggu i bas
runggun masing-masing (ibabai sekalak Mamre)
• Pengurus kategorial (pengurus pjj, kakr, moria, mamre, permata,
saitun) i bas runggun masing-masing (ibabai sekalak Permata)
• Daerah Pekabaren Injil Sumbagsel (ibabai Pengkotbah)
Runggun Suban Ku Tebing Tinggi, Runggun Jambi ku Tanah Garo ras
Bandar Lampung ku Unit Dua sekitarna
Daerah Pekabaren Injil Klasis Sinabun
Runggun Jinabun, Runggun Kutamale Perpulungen Amburidi,
Runggun Ujung Deleng Perpulungen Rih Tengah, Runggun
Penampen Perpulungen Kuta Kepar ras Runggun Tanjung Merahe
Perpulungen Liang Merdeka
• Si turah i bas perpulungen (ibabai sekalak serayan Tuhan)
11. Perpadanen Man Dibata
(Perp. Tedis)
L Tetaplah kam erkiniteken man Dibata gelah ngasup kam erbahan
kebujuren.
P Erpadan kami Tuhan tetap erkiniteken man baNdu gelah ngasup
kami erbahan kebujuren erburak-burak desken lau sumbul dingen
desken lau belin si la pernah kerah.
PEKAN DOA GBKP TAHUN 2022
4
L
P
L
Tetaplah kam ertoto ras erpuasa gelah ngasup ngkelengi dingen
ngelakoken kebenaren.
Erpadan kami Tuhan tetap ertoto ras erpuasa gelah ngasup
ngkelengi kebenaren, nilahi si jahat. La nalihken kebujuren si pentar
jadi nggeduk ras ndampesken kebenaren ku taneh. Amin.
Mari dageken si peteguhi perpadanenta man Dibata alu ngendeken
KEE 350 : 1-2
Kelengi kebenaren, pedauhlah si jahat.
Pakeken Kata Tuhan tahan rasa lalap
Nggeluhlah alu bujur, meteruk ukur kin
Dalanken kebenaren maka ukur teneng
Reff : Erjaga-jagalah reh me wari Tuhan
Ersikap-sikaplah pake Kata Tuhan
Darami si mehuli pedauh min si ilat
Megermet bas keg’luhen make pedah Tuhan
Lakokenlah si adil i bas kegeluhen
Bage me pedah Tuhan tetap sidalanken
12. Pertoton Tuhan
13. Pengutusen ras pemasu-masun Tuhan
L Mulihlah alu dame ras mejuah-juah alokenlah pasu-pasu idur
Dibata nari “Dibata si mada perkuah ate si enggo nenahken kita
(kam) ku kemulianNa sirasa lalap i bas Kristus njadiken kita
(kam) serta, tetap, megegeh dingen paguh. IA nge si mada
kuasa seh rasa lalap. Amin”.
P A...min, a...min, a...min (iendeken)
Kebaktin itutup alu pertoton
Pdt. Raharja Sembiring, M.Th.
HP/WA : 085370897175
PEKAN DOA GBKP TAHUN 2022
5